නීතියේ ආධිපත්‍ය අවැසි බව පවසා බලය ඉල්ලූ හිරුණිකා ප්‍රේමචන්ද්‍ර, නීතිය අතටගෙන ඇති බව දකුණු පළාත් සභා මන්ත්‍රී සහ බලපිටිය ආසනයේ එක්සත් ජාතික පක්ෂ සම සංවිධායක අශෝක ධනවංශ පෙන්වා දෙයි.
කුහක අත්දැකීමක් පදනම් කර ගනිමින් යහපාලනය ඉල්ලූ හිරුණිකා ක්‍රියාකරන්නේ පුරුදු පුහුණු වූ සමාජ ක්‍රමයක් බව අශෝක ධනවංශ කියා සිටී.
හෙතම වැඩිදුරටත් පවසන්නේ යහපාලනය නැමති කිරි හට්ටියට හිරුණිකා ප්‍රේමචන්ද්‍ර ගොම දමා ඇති බවයි.
හිරුණිකා ප්‍රේමචන්ද්‍ර මන්ත්‍රීවරියගේ ආරක්ෂකයින් පිරිසක් ඇයටම අයත් ඩිෆෙන්ඩර් රථයකින් පුද්ගලයෙකු පැහැරගෙන ගොස් පහරදී තර්ජනය කිරීම පිළිබඳ දේශපාලන සමාජය තුළ පුළුල් සංවාදයක් ඇතිව තිබේ.
සිදු කළ වැරැද්දෙන් – යහපාලනය දුෂණය වී ඇති බැවින් එය නිවැරදි නොකරන්නේනම්, එක්සත් ජාතික පාක්ෂිකයින් ඊට එරෙහිව නැගී සිටින බවයි දකුණු පළාත් සභා මන්ත්‍රී අශෝක ධනවංශ අවධාරණය කළේ.