ශ්‍රී ලංකාවේ සිට ක්‍රියාත්මක වන නියෝජිතයන් හරහා ISIS ත්‍රස්ත සංවිධානයට සම්බන්ධ වී සිටි ඉන්දීය තරුණිය ලබා දුන් තොරතුරු මහාරාෂ්ඨ ත්‍රස්ත මර්ධන ඒකකය විසිල් ශ්‍රී ලංකාවේ කන්සියුලර් කාර්යාලයට ලබා දී ඇති බව වාර්තා වනවා.
මෙම ශ්‍රී ලාංකික ISIS ත්‍රස්ත නියෝජතයා ඉන්දියාවේ පූනේ හි පදිංචිව සිටි තරුණියට සම්බන්ධ කරදී ඇත්තේ ඉන්දීය තෙල් සමාගමේ නිලධාරියෙක් වන මොහොමඩ් සිරාජුඩීන් නමැති අයෙකු බවයි පැවසෙන්නේ.
අදාල තරුණිය මහාරාෂ්ඨ ත්‍රස්ත විමර්ශන ඒකකයට කළ පාපොච්චාරණය මගින් ලංකාව තුළ සැඟවුණූ ISIS ජාලයක් ක්‍රියාත්මක වන බව හෙළිදරව් වී ඇතැයි ඉන්දීය මාද්‍ය වාර්තා කර තිබුණා.
ISIS ත්‍රස්තයන්ට එක්වී සිරියාවේදී මිය ගිය කුරුණෑගල ගලේවෙල පදිංචිව සිටි ෂර්ෆාස් නිලාම් මුෂීන් නමැති ශ්‍රී ලාංකිකයෙකු පිළිබද මීට පෙර වාර්තා වූ අතර ඔහුත් සමග තවත් 16 දෙනෙකු සිරියාවට ගොස් ඇති බව එම ත්‍රස්තයන් විසින් ප්‍රකාශයට පත් කරන දබීක් සගරාව මගින්ම ප්‍රකාශ කර තිබුණා.