ඔන්ලයින් ක්රමයට ප්රතිඵල ලේඛන සනාථ කිරීමේ ක්‍ර‍මවේදය අද සිට ක්‍රියාත්මක බව විභාග දෙපාර්තමේන්තුව පවසයි.
විභාග කොමසාරිස් ජනරාල් සනත් බී. පූජිත මහතා සඳහන් කළේ, සියලු ම කලාප අධ්‍යාපන කාර්යාලවලට මෙම පහසුකම අද සිට ලබා දෙන බව ය.
මෙමගින් සාමාන්‍ය පෙළ, උසස් පෙළ සහ ගුරු විද්‍යාල ප්‍රවේශය යන විභාගවල ප්රතිඵල ලේඛන කලාප අධ්‍යාපන අධ්‍යක්ෂවරුන් මගින් සනාථ කිරීම සිදු කෙරෙන බව කොමසාරිස් ජනරාල්වරයා වැඩිදුරටත් සඳහන් කළේ ය.
මේ අනුව සිසුන්ට කලාප අධ්‍යාපන කාර්යාල වෙත ගොස් සිය ප්රතිඵල ලේඛන එහිදී සනාථ කරගෙන ලබා ගැනීමේ හැකියාව පවතී.