නව ආණ්‌ඩුක්‍රම ව්‍යවස්‌ථාව යටතේ බලය බෙදාහැරීමෙන් පසු එම බලය අහෝසි කිරීමට රජයට නොහැකි බව ද්‍රවිඩ සන්ධාන මන්ත්‍රීSS ඒ. සුමන්තිරන් මහතා යාපනයේ පැවැති මාධ්‍ය සාකච්ඡාවක්‌ අමතා ප්‍රකාශ කර ඇත.
ද්‍රවිඩ සන්ධානය ඉල්ලන ෆෙඩරල් ක්‍රමය ගැන ප්‍රසිද්ධියේ හෙළි කළ නොහැකි බව පැවසූ හෙතෙම හේතූන් කීපයක්‌ මත ආණ්‌ඩුක්‍රම ව්‍යවස්‌ථා අතුරු වාර්තාව අඩාල වී ඇති බව කියා සිටියේය.
ද්‍රවිඩ සන්ධානයේ සහායක්‌ නැතිව ආණ්‌ඩුක්‍රම ව්‍යවස්‌ථාව සම්මත කර ගැනීමට නොහැකි බව පැවසූ සුමන්තිරන් මහතා ඒකීය භාවය අහෝසි කිරීමට එකඟ වී ඇති බව ද පැවසීය.
මෙම ආණ්‌ඩුක්‍රම ව්‍යවස්‌ථා අතුරු වාර්තාව ප්‍රකාශයට පත්වූ පසු සියලුම සැක දුරු වන බව ද ඔහු කීවේය.