සෞඛ්‍ය සේවා අඩපණ වීමෙන් හා ආහාර හිඟය හේතුවෙන් මිලියනයකට අධික සුඩාන වැසියන් පිරිසක් අසල්වැසි රාජ්‍යයවලට පළා ගොස් තිබේ.
මාස 4ක යුද්ධයෙන් පසු එරට ජනතාව සෞඛ්‍ය රැකවරණය නොමැතිවීමෙන් මියයන බව එක්සත් ජාතීන්ගේ සංවිධානය අනතුරු අඟවයි. සුඩාන හමුදාව සහ පැරාමිලිටරි බලකාය අතර සටන් හේතුවෙන්, කාටුම් අගනුවරට දැඩි බලපෑම් එල්ල වී ඇත. පවතින තත්ත්වය හමුවේ සුඩානයේ සිවිල් යුද්ධයකට යොමුවීමෙන් කලාපය අස්ථාවර කිරීමට හේතුවක් වනු ඇති බව විදෙස් වාර්තා පවසයි.