ලබන අගහරුවාද තෙක් සිය වර්ජනය අත්හිටුවීමට ඛණිජතෙල් වෘත්තීය සමිති එකමුතුව තීරණය කර තිබෙනවා.
මෙම තීරණය ගෙන තිබෙන්නේ ඊයේ ඊයේ (26) සවස්වරුවේ ජනාධිපති මෛත්‍රීපාල සිරිසේන මහතා සමග පැවති සාකච්ඡාවකින් අනතුරුවයි.
හම්බන්තොට වරාය ගිවිසුම සංශෝධනය කිරීමටත්, අර්ජුණ රණතුංග සහ මලික් සමරවික්‍රම යන අමාත්‍යවරුන් සමග මේ පිළිබදව සාකච්ඡා කිරීමට අවස්ථාව ලබා දීමටත් ජනාධිපතිවරයා එකග වී ඇත.
වරාය හා නාවික කටයුතු ඇමති මහින්ද සමරසිංහ මහතා මීට පෙර ප්‍රකාශ කර තිබුණේ මේ මස 29 වනදා හම්බන්තොට වරාය චීනයට පැවරිමට අදාල ගිවිසුම අත්සන් තබන බවයි.
හම්බන්තොට වරාය තෙල් ටැංකි චිනයට පැවරීම, ත්‍රීකුණාමල තෙල් ටැංකි සංකීර්ණය ඉන්දියාවට පැවරීම යන කාරණා මුල් කරගනිමින් ඛණිජතෙල් වෘත්තීය සමිති වැඩවර්ජනයේ නිරත විය.