පුද්ගලයන් දෙදෙනෙකු අතුරුදන් වීමේ සිද්ධියකට අදාලව යාපනේ මහේස්ත්‍රාත් අධිකරණය විසින් හමුදා නිලධාරීන් 14 දෙනෙකු බන්ධනාගාරගත කිරීම තවත් ජාතිවාදී ක්‍රියාවක්දැයි සැක මතුවන බව ජාතික සංවිධාන එකමුතුව පවසයි.
ඊයේ පැවති මාධ්‍ය හමුවකදී පූජ්‍ය බෙංගමුවේ නාලක හිමියන් පැවසූයේ උතුරු පළාත් ප්‍රධාන අමාත්‍ය සී වී විග්නේෂ්වරන් වැනි දේශපාලනඥයන් කටයුතු කරන්නේ ජාතිවාදී අදහස්වල පිහිටා බව නැවත නැවත තහවුරු වෙමින් ඇති බවත් එම නිසා දෙමළ විනිසුරුවරුන් විශ්වාස කළ නොහැකි බවයි.
පුද්ගල අතුරුදන්වීම් දෙකක් සම්බන්ධයෙන් නඩුවකට අදාළව යාපනය මහේස්ත්‍රාත් අධිකරණය විසින් හමුදා නිලධාරින් කිහිපදෙනෙකු ඉකුත්දා රක්ෂිත බන්ධනාගාර ගත කෙරුණි. අතුරුදන්වී ඇතැයි කියන පුද්ගලයින් දෙදෙනා එල්.ටී.ටී.ඊ. සාමාජිකයන් බවටද සැක කරයි.