Colombo Today Local News

ඉන්ධන බවුසරයක් බත්තුළු ඔයට පෙරළී ගසාගෙන යයි

ඉන්ධන ප්‍රවාහනය කරන බවුසර් රථයක් හලාවත – පුත්තලම මාර්ගයේ බත්තුළු ඔයෙන් පහළට පෙරළී යාමෙන් අනතුරක් සිදුවී ඇත.

අද (24) අලුයම 3.30ට පමණ එම අනතුර සිදුවී ඇති බව මුන්දලම පොලීසිය පවසයි.

පුත්තලම – කල්අඩියේ පිහිටි කර්මාන්ත පුරයට දැවිතෙල් තොගයක් ප්‍රවාහනය කර ඇති බවුසර් රථය ආපසු කොළඹ බලා ගමන් කරමින් සිටිය දී එලෙස අනතුරට ලක්ව තිබේ.‍

බවුසර් රථය හලාවත – පුත්තලම මාර්ගයේ බත්තුළුඔය හරහා ඇති ආරක්ෂිත වැටද බිඳගෙන පෙරළී ගොස් ඇත.

අනතුර සිදුවන අවස්ථාවේදී එහි සිට ඇත්තේ රියදුරු පමණි.

ප්‍රදේශවාසීන් සහ පොලීසිය එක්ව අනතුරට පත්ව ඇති බවුසරයේ රියදුරු බේරා ගැනීමට කටයුතු කර ඇත.

සුළු තුවාල ලබා ඇති රියදුරු ප්‍රතිකාර සඳහා හලාවත මහා රෝහලට ඇතුළත් කර තිබේ.

බත්තුළුඔය පාලමේ ඇති ආරක්ෂිත වැටද කඩා ගෙන ඔයට පෙරළී ඇති බවුසරය මීටර් 100ක පමණ දුරක් ගසා ගෙන ගොස් හලාවත – පුත්තලම දුම්රිය මාර්ගය හරහා ඇති කළු පාලමේ ගැටී නැවතී ඇති අයුරු දක්නට ඇත.

අනතුරින් බත්තුළු ඔය පාලමේ ආරක්ෂත වැටටද බරපතළ හානි සිදුවී ඇත.

රියදුරුට නින්දයාම සහ වේගය පාලනය කර ගැනීමට නොහැකි වීම නිසා අනතුර සිදුවන්නට ඇතැයි පොලීසිය පවසයි.

Related posts

රට දැය මුහුණ දී ඇති සාපය අවසන් කරන්නේ කෙසේද? අනගාරික ධර්මසේකරතුමා

colombotoday

බාල දැරියන් විවාහයට ඉල්ලා “තව්හීද් ජමාත්“ කොටුව දෙවනත් කරයි.. සංඝරත්නයටත් තිත්ත කතාවෙන් බැණවදී

colombotoday

“20න් පත්වන භයානක ජනපති” ගැන උදය ගම්මන්පිල පවසයි

colombotoday

දෘශ්‍යාබාධිත පුද්ගලයන්ගේ නිර්මාණ ඇතුළත් ‘‘කඩතුරාව‘‘ නිර්මාණ ග්‍රන්ථය අගමැතිට

colombotoday

මෙරට දුෂිතම ගඟ කැළණි ගඟ බවට අනාවරණයක්

colombotoday

CID නියෝජ්‍ය අධ්‍යක්ෂ තනතුරට පළමුවරට කාන්තා නිලධාරිනියක්

colombotoday