හොරණ, කඳන ප්‍රදේශයේ මිත්තනිය භාරයේ සිටි සිය දරුවා පැහැරගෙන ගිය සැකකරු අද (17) දහවල් පොලිසිය සමග ඇති වූ වෙඩි හුවමාරුවකදී මියගොස් තිබේ.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව පැවසුවේ මෘත ශරීරය හොරණ මූලික රොහලේ තැන්පත් කර ඇති බවයි.
අඟුරුවාතොට, වල්පිට ප්‍රදේශයේ නිවසක ඔහු සැඟවී සිටින බවට ලද තොරතුරක් මත පොලිසිය වැටලීම සිදුකිරීමට ගිය අවස්ථාවේදි සැකකරු නිවසේ සැඟව සිට පොලිසියට වෙඩි ප්‍රහාර එල්ල කර තිබේ.
එහිදී පොලිසිය එල්ල කළ ප්‍රතිහාරවලින් සැකකරු මියගොස් ඇතැයි පොලිස් මාධ්‍ය ප්‍රකාශකවරයා සදහන් කරයි.
සැකකරු මත්කුඩු පානයට ඇබ්බැහිවූවෙකු බවත් පවුල් ආරාවුල් සම්බන්ධයෙන් ඔහුට එරෙහිව පැමිණිලි කිහිපයක්ම වාර්තාවී ඇත.