තම අනුදැනුම ඇතිව කඩා දැමූ වත්තල මාබෝල කළුඇල ඇවිදීමේ මංතීරුව කෙටි කලක් ඇතුළත යලි සකස් කර දෙන බව සංචාරක හා ක්‍රිස්තියානි ආගමික කටයුතු අමාත්‍ය ජොන් අමරතුංග මහතා පවසයි.
අමාත්‍යවරයාගේ මාධ්‍ය ලේකම්ගේ අත්සනින් යුතුව නිකුත් කෙරුණු නිවේදනයක දැක්වෙන්නේ එම මාර්ගය ප්‍රයෝජනයට ගන්නා පිරිසගේ ඉල්ලීම පරිදි අමාත්‍යවරයා මීට මැදිහත් වී ඇති බවයි.
අමාත්‍යවරයා මෙය කඩා බිඳ දැමීමට මූලික වී ඇත්තේ මෙම මංතීරුවට පසෙකින් පුද්ගලික ඉඩමක් වෙතට ඇති අඩි 15ක පමණ මාර්ය පුළුල්කර ගැනීමේ අරමුණෙන් බවත් එය අයත් පුද්ගලයා සමග ඇතිවූ මුදල් ගණුදෙනුවත් මත බවත් ප්‍රදේශවාසීහු චෝදනා කරති.
