සබරගමුව, උතුරුමැද, සහ නැගෙනහිර පළාත් සභාවල නිල කාලය ඉදිරියේදී අවසන් වීමට නියමිත අතර, එහි පාලනය බලය ආණ්ඩුකාරවරුන් යටතට පවරන බව පළාත් සභා හා පළාත් පාලන අමාත්‍යාංශය පවසයි.
සබරගමුව පළාත් සභාවේ නිල කාලය ලබන 27 වැනිදාත්, උතුරු මැද පළාත් සභාවේ නිල කාලය සැප්තැම්බර් 30 වනදාත් අවසන් වීමට නියමිතය.
පසුගිය දා පාර්ලිමේන්තුව වෙත ඉදිරිපත් කෙරුණු 20 වන සංශෝධනය මගින් යෝජනා කර තිබුණේ සියළු පළාත් සභාවල නිල කාලය අවසන් වීමෙන් පසුව මැතිවරණය පැවැත්වීමටත්, එතෙක් ඒවායේ බලතල පාර්ලිමේන්තුවට පැවරීමටයි.