එක්සත් ජාතීන්ගේ සාම සාධක බළකායට ශ්රී ලංකා හමුදා සාමාජිකයන් බඳවා නොගන්නා ලෙස එල්.ටී.ටී.ඊ. සංවිධානයට සෘජුවම සහාය පළකරන අන්තර්ජාතික සත්ය හා යුක්තිය ව්යාපාරයේ (ITJP) ප්රධානී යස්මින් සුකා ජිනීවා හි එක්සත් ජාතීන්ගේ සාම මෙහෙයුම් දෙපාර්තමේන්තුවෙන් ඉල්ලීමක් කර ඇත.
එක්සත් ජාතීන්ගේ මානව හිමිකම් කොමසාරිස්වරිය විසින් ඉදිරිපත් කර ඇති නවතම වාර්තාවෙන් ශ්රීලංකා හමුදා නිලධාරීන් පිළිබඳව සෘජුව ප්රශ්න කර ඇති බැවින් සාම සාධක හමුදා සඳහා ශ්රී ලංකා හමුදා සාමාජිකයින් බඳවා ගැනීම එක්සත් ජාතීන්ගේ සම්මතයන්ට පටහැනි බව පසුගිය බ්රහස්පතින්දා (04 වැනිදා) නිකුත් කළ නිවේදනයකින් යස්මින් සුකා පෙන්වා දී තිබේ.
මානව හිමිකම් කොමසාරිස් මිෂෙල් බැලලෙව් විසින් කවුන්සිලයේ 46 වැනි සැසිවාරය වෙනුවෙන් නිකුත් කර ඇති නවතම වාර්තාවෙන් ශ්රී ලංකාවේ හමුදා ප්රධානීන්ට යුද අපරාධ චෝදනා ඉදිරිපත් කර ඇති අතර එම චෝදනා විභාග කර දඬුවම් ලබාදීමේ බලය කවුන්සිලයේ සාමාජික රටවලට ලබා දිය යුතු බවටද යෝජනා කර තිබේ. යස්මින් සුකා සිය නිවේදනයේ පෙන්වා දී ඇත්තේ මෙලෙස චෝදනා ලැබූ හමුදා ප්රධානීන් මෙහෙයවන හමුදා සාමාජිකයන් සාම ක්රියාවලියට අන්තර්ග්රහණය කරගැනීම එක්සත් ජාතීන්ගේ ප්රඥප්තියට පටහැනි බවයි.