ගාසා තීරයේ අල් ජසීරා සහ වෙනත් මාධ්‍යවල කාර්යාල පවත්වාගෙන ගිය තට්ටු 12 ක ගොඩනැගිල්ලක් ඊශ්‍රායල ගුවන් ප්‍රහාරයකින් සම්පුර්ණයෙන්ම විනාශ විය.
ප්‍රහාරයට පැයකට පමණ පෙර ගොඩනැගිල්ලෙන් ඉවත් කරන ලෙස අල් ජසිරා කාර්යාලයට දුරකථන ඇමතුමක් ලබා දීමට ඊශ්‍රායලය කටයුතු කර ඇත.
ඊශ්‍රායල ගුවන් හමුදාව ට්විටර් පණිවුඩයක් නිකුත් කරමින් කියා සිටියේ මෙම ගොඩනැගිල්ල හමාස් හමුදා බුද්ධි අංශ සතු ගොඩනැගිල්ලක් බවයි.
ප්‍රහාරයට පෙර ගොඩනැගිල්ලේ රැඳී සිටින සිවිල් වැසියන්ට ඉන් ඉවත් වීමට ප්‍රමාණවත් කාලයක් ලබා දුන් බව ඊශ්‍රායල ගුවන් හමුදාව වැඩිදුරටත් පැවසීය.