World

ඇන්ටාටිකාවෙන් දියුණු ශිෂ්ඨාචාරයක නටඹුන් හමුවුනාද? රහසෙන් කැණීම් කරනවාද?

ඇන්ටාටිකාව යනු සදාකාලිකවම හිමෙන් වැසුනු මහාද්වීපයකි. විටක මෙම අයිස් තට්ටුවේ ඝණකම කිලෝමීටර් 3ක් පමණවේ යයි කීවොත් ඔබ පුදුම වන්නටද පුලුවන. මේ මහා හිම තට්ටුවෙන් වැසුනු ඇන්ටාක්ටිකා මහාද්වීපය කලින් හිමෙන් තොරවූ අර්ධ-ඝර්මකලාපීය (sub-tropical) දේශගුණයකින් හෙබි ප්‍රදේශයක් වූ බවට විද්‍යාඥයින් අතර කල්පිතයක් ඇත. මෑතකදී ඇන්ටාක්ටිකාව අසල මුහුදේ කැනීම් කල විද්‍යාඥයින් පිරිසකට වසර මිලියන 52ක් පැරණි යයි සැළකෙන වැසිවනාන්තරවල වැවෙන ශාකවල ෆොසිල හමුවී ඇත.ඇන්ටාක්ටිකාවේ බිහිවූවා යැයි සැළකෙන ඉපැරණි ශිෂ්ඨාචාරයක් පිලිබඳව විවිධ මත තිබෙනවා. “ක්‍රස්ටල් ඩිස්ප්ලේස්මන්ට්” නම් භූගෝල විද්‍යා කල්පිතයට අනුව පෘථිවි කබොල්ලේ කොටස් ඊට යටින් ඇති ලාවා ස්ථරය මත පාවෙමින් ගමන් කරන අතර ඒ අනුව මීට වසර 12,000කට පමණ ඉහතදී ඇන්ටාක්ටිකා මහාද්වීපයේ විශාල ප්‍රදේශයක් අයිස් නොමැති පෙදෙසක් වී තිබෙනවා. මෙහි දියුණු ශිෂ්ඨාචාරයක් බිහිවී පසුව ඇන්ටාක්ටිකාව මිදී යාමත් සමග විනාශවී ගිය බවයි කියවෙන්නේ.

ඇන්ටාක්ටිකාවේ බිහිවුනු දියුණු ශිෂ්ඨාචාරය ග්‍රීක දාර්ශනික ප්ලේටෝ විස්තර කල ඇට්ලෑන්ටිස් ශිෂ්ඨාචාරය විය හැකි බවටද කල්පිතයක් තිබෙනවා. ඇන්ටාක්ටිකාව ගැන දේශගවේෂකයින් නොදැන සිටි සමයක ඇඳුනු පිරී රීස් සිතියමේ ඇන්ටාක්ටිකා වෙරළ බොහෝ දුරට නිවැරදිව දක්වා තිබෙනවා. මෙසේ වන්නට ඇත්තේ පිරී රීස් සිතියම නිර්මාණය කල අද්මිරාල් පිරී ඉබන් හාජි ඒ සඳහා මූලාශ්‍ර ලෙස ඉපැරණි සිතියම් රාශියක් යොදාගත් නිසා බවයි උපකල්පණය වන්නේ. එනම් අද්මිරාල් හාජිගේ කාලයේ (1513 A.D) ඇන්ටාක්ටිකාව ගැන නොදැන සිටියාට පැරැණ්නන් එය ගවේශණය කොට සිතියම් සකසා තිබෙන බවත් පසුව එම දැනුම වැලලී ගිය බවත් කියවෙනවා.එසේත් නොමැතිනම් ඇන්ටාක්ටිකාවේ ශිෂ්ඨාචාරය දියුණුව පවතින කාලයේදී එහි වැසියන් අඳින ලද සිතියම් අද්මිරාජ් හාජිගේ කාළය වනතෙක්ම රාජකීය පුස්තකාලවල තිබෙන්නට ඇති බවද කල්පිතයක්.

එපමණක් නොව ඇන්ටාක්ටිකාවේ රූගත කිරීම් වල නිරතව සිටි කැලිෆෝනියානු රූපවාහිණී කණ්ඩායමක් හදිසියේ අතුරුදහන් වූ බවත් ඔවුනට සිදුවූයේ කුමක්ද යන්න තවමත් නොදන්නා බවටත් කටකතාවක් පවතිනවා. අතුරුදහන් වූ මෙම කණ්ඩායම ඇන්ටාක්ටිකාවේ සිදුවන රහසිගත කැණීම් රූගත කරන්නට යද්දී අතුරුදහන් වූ බවයි පැවසෙන්නේ. ඇන්ටාක්ටිකාවේ ඝණ අයිස් තට්ටුව යට තිබී පිටසක්වලයින්ගේ යානාවක් හෝ ඔවුන්ගේ නගරයක නටඹුන් හමුවී ඇති බවත් ඇමරිකාව ඉතා රහසිගතව එම ස්ථානයේ කැණීම් කරන බවත් පැවසෙනවා.

ඩොන් ශ්‍යාම්

Related posts

මෙක්සිකෝවේ නගරාධිපතිවරයෙක් ඇලිසියා ඇඩ්‍රියානා කිඹුලිය සමග විවාහ වෙයි

Admin

බැග්ඩෑඩ් අගනුවරට බෝම්බ ප්‍රහාරයක් – 25ක් මරුට

colombotoday

අනුමත නොකල ඖෂධ දී ඊජිප්තුවේ ළමුන් මිය යයි

Admin

චාර්ල්ස් කුමරු නිල වශයෙන් හෙට කිරුළු පළදි

colombotoday

පාර්ලිමේන්තුවට හදිසියේම ආරක්ෂක අංශයේ පිරිස් කඩා වදී

colombotoday

මයික්‍රොසොෆ්ට් පරිගණක සඳහා වින්ඩෝස් 11 එළිදකී

colombotoday