රාජ්‍යසේවා කොමිෂන් සභාව පත්කර යවා ඇති බවට නාම ලේකනයක් මාධ්‍යයවල දක්නට ලැබුණු බවත් එයට ව්‍යාපාරිකයෙකුගේ නමක් ද සඳහන්ව ඇති බවත් HIV ටෙස්ට් කිට් ගෙන්වීම සඳහා ටෙන්ඩරයක් ද මේ වන විට සලකා බලමින් තිබෙන බවත් එවැනි අවස්ථාවක මෙම පුද්ගලයා රාජ්‍යසේවා කොමිෂන් සභාවට පත්කිරීම මගින් රාජ්‍ය සේවකයන්ට බලපෑමක් සිද්ධ වන බවත් පවසමින් පාර්ලිමේන්තු මංත්‍රී මනුෂ නානායක්කාර මහතා අද (24) පාර්ලිමේන්තුවේදී සිදුකල කරුණු දැක්වීම කතානායක මහින්ද යාපා අඹේවර්ධන මහතා විසින් වලක්වනු ලැබුවා.
ඒ රාජ්‍යසේවා කොමිෂන් සභාව පිළිබඳව පාර්ලිමේන්තුවේ කරුණු දැක්වීමට නොහැකි බව පවසමින්.
මේ පිළිබඳව පාර්ලිමේන්තු මංත්‍රී එස්.එම් මරික්කාර් ද කරුණු දැක්වීමට උත්සහ කෙරූ අතර එයද කතානායකවරයා විසින් නවත්වන ලදි.
රාජ්‍යසේවා කොමිෂන් සභාව පත්කිරීමේ සම්පුර්ණ බලය ඇත්තේ ජනාධිපතිවරයාට බව මෙහිදී කතානායක මහින්ද යාපා අඹේවර්ධන මහතා අවධාරනය කර සිටියා.