ආගමික හේතුන් මත ප්‍රංශ පුරවැසිභාවය ලබාදීමේ උත්සවයකදී රජයේ නිලධාරින්ට අතට අත දීම ප්‍රතික්ෂේප කළ ඇල්ජීරියානු මුස්ලිම් ජාතික කාන්තාවකගේ පුරවැසිභාවය අත්හිටුවීමට එරට ඉහළ පරිපාලන අධිකරණයක් පසුගිය බ්‍රහස්පතින්දා (19) තීන්දු කර ඇත.
ප්‍රංශ සිවිල් සමාජය තුල ජීවත්වීමට ඇයගේ “ආගමික විශ්වාසයන්” නොගැලපෙන බවට එරට රජය අධිකරණයට කරුණු වාර්තා කර තිබූ බවයි විදෙස් මාධ්‍ය සඳහන් කර සිටින්නේ. අදාළ කාන්තාව 2010 වසරේදී ප්‍රංශ ජාතිකයෙකු සමග විවාහවී ඇති අතර මෙය බලය අනිසි ලෙස පාවිච්චි කිරීමක් ලෙසට ඇය අධිකරණයට කරුණු දක්වා ඇත.
කෙසේවෙතත් එරට රජය බලය අනිසි ලෙස යොදා නොමැති බවට අභියාචනයේදී තීන්දු වී ඇත.