ජනාධිපති මෛත්‍රීපාල සිරිසේන මහතා සහ අගමැති රනිල් වික්‍රමසිංහ මහතා අතර වර්ධනය වෙමින් පැවති මත ගැටුම මේ වන විට උච්චතම ස්ථානයට පැමිණ ඇතැයි දේශපාලන ආරංචි මාර්ග පවසයි.
දෙපාර්ශවය සමගි කරවීම සදහා එජාපයේ සහ ශ්‍රීලනිපයේ ප්‍රබලයන් දැරෑ සියළු උත්සාහයන් මේ වන විට ව්‍යාර්ථ වී ඇත. ජනාධිපතිවරයා සමීපයේ සිටින එජාප නායකයා සමග දැඩි විරෝධයකින් පසුව උපදේශකයෙකුගේ මැදිහත්වීමද ජනපති – අගමැති සාම වෑයම අසාර්ථක වීමට හේතු වී ඇති බවද එම ආරංචි මාර්ග සදහන් කරයි.
මේ තත්ත්වය මත සම්මුති ආණ්ඩුවේ ඉදිරි ගමන පිළිබදව දැඩි අවිනිශ්චිත තත්ත්වයක් මතුව ඇති අතර, එජාපය සමග විරසක වීම ජනාධිපතිවරයාගේ දේශපාලන අනාගතයටද බෙහෙවින් අහිතකර ලෙස බලපානු ඇතැයි විචාරකයන් පවසයි.