නව ඇමරිකානු ජනාධිපති ඩොනල්ඞ් ට්‍රම්ප් මැදපෙරදිග රටවල් 7 කට එරෙහිව වීසා තහනමක් ප්‍රකාශයට පත් කිරීමෙන් පසු කුවේටය ද රටවල් 5 කට එරෙහිව එවැනි තහනමක් පනවා තිබෙනවා.
ඒ අනුව, සිරියාව, ඉරාකය, පාකිස්ථානය, ඇෆ්ගනිස්ථානය සහ ඉරානය යන රටවලින් පැමිණෙන සංචාරකයින්ට කුවේටය මින් පසු වීසා නිකුත් නොකරනු ඇති.
අන්තවාදී ඉස්ලාමීය ත්‍රස්තවාදී කණ්ඩායම් තම රටට ඇතුළු වීම වැළැක්වීම සදහා එම පියවර ගත් බවයි කුවේටය ප්‍රකාශ කළේ.
ඇමරිකාව වීසා තහනම පැනවූ රටවල් අතරට සිරියාව, ඉරාකය සහ ඉරානය හැරුණු කොට සුඩානය, ලිබියාව, සෝමාලියාව සහ යේමනය ද ඇතුළත් වන අතර පාකිස්ථානය සහ ඇෆ්ගනිස්ථානයට එරෙහිව එවැනි තහනමක් පනවා නැහැ.