ඩොලර් මිලියන 6ක ඉන්දීය ප්‍රදානයක් යටතේ ශ්‍රී ලංකාව තුළ සමුද්‍රීය මුදා ගැනීමේ සම්බන්ධීකරණ මධ්‍යස්ථානයක් ස්ථාපනය කිරීමට කැබිනට් අනුමැතිය හිමිව තිබේ.
ඒ අනුව, එකී ප්‍රදානයට අදාළව ශ්‍රී ලංකා රජය සහ ඉන්දීය රජය අතර අවබෝධතා ගිවිසුමක් අත්සන් තැබීමටත්, එකී මධ්‍යස්ථානය ස්ථාපනය කිරීම සම්බන්ධයෙන් ශ්‍රී ලංකා රජය සහ ඉන්දියාවේ භාරත් ඉලෙක්ට්‍රොනික්ස් සමාගම් අතර ගිවිසුමට අත්සන් තැබීමටත් කැබිනට් අනුමැතිය හිමිව ඇත.
අමාත්‍ය මණ්ඩලයට මෙම යෝජනාව ඉදිරිපත් කර ඇත්තේ, ආරක්ෂක අමාත්‍යවරයා වශයෙන් ජනාධිපතිවරයායි.