ශ්‍රී ලංකා කණ්ඩායම එංගලන්තය හමුවේ ලද දැවැන්ත පරාජයත් සමගින් ශ්‍රී ලංකාවේ හිටපු ටෙස්ට් ක්‍රිකට් ක්‍රීඩක රොෂාන් මහානාම ට්විටර් පණිවුඩයක් නිකුත් කර තිබුණි.
එම ට්විටර් පණිවුඩය මගින් ඔහු සඳහන් කර තිබුණේ වත්මන් ක්‍රිකට් කණ්ඩායම සහ මීට පෙර ක්‍රීඩා කළ කණ්ඩායම අතර දක්ෂතාව අතින් බරපතළ වෙනසක් තමන් නොදකින බවයි.
කෙසේ නමුත් පෙර කණ්ඩායම මෙන් නොව වත්මන් කණ්ඩායමට, රට වෙනුවෙන් ක්‍රීඩා කර ජයග්‍රහණයන් ලැබීමේ ආකල්පය නොමැති වීම පිළිබඳව කනගාටු වන බවටත් රොෂාන් මහානාම සිය ට්විටර් ගිණුමේ සටහන් කර තිබුණි.