අනුරාධපුර කහටගස්දිගිලිය මෙරගහවෙල කටුකැලියාව ගම්මානයේ විහාරස්ථානයක් මුල් කර ගනිමින් පැවැත් වූ දන්සලකට එක් වූ නව දෙනකුට කොවිඩ් වෛරසය ආසාදනය වී ඇති බව වාර්තා වේ.
නිරෝධායන රීති උල්ලංඝනය කරමින් පොසොන් පොහෝදා (24)දින එම ගමේ විහාරස්ථානයේ විහාරාධිපති හිමියන් මුලිකවී දිවුලපිටියේ සිට පැමිණි බව කියන පුද්ගලයන් සිව් දෙනකු සම්බන්ධකරගෙන ගම්වාසීන් සඳහා දන්සැලක් පවත්වා තිබේ.
එම දන්සලෙන් ගමේ සියලු දෙනාම පාහේ ආහාර අනුභව කර තිබෙන බව මහජන සෞඛ්‍ය පරීක්ෂක තිලකරත්න මහතා සඳහන් කරයි.
ආසාදිතයින් වාර්තා වීමත් සමඟ එම ගම්මානය වසා දැමීමට කටයුතු කළ බව කහටගස්දිගිලය මහජන සෞඛ්‍ය වෛද්‍ය කාර්යාලය පවසයි.
ගමේ විහාරස්ථානයේ වැඩවසන හිමියන්ද ඇතුළුව එම ගමේ සියලුම පවුල් ඔවුන්ගේ නිවෙස්වලම නිරෝධායනය කිරීමට ප්‍රදේශයේ සෞඛ්‍ය බලධාරීන් පියවර ගෙන ඇත.