ඉන්දිය රජය මෙරටට ප්‍රධානය කර ඇති ඔක්ස්ෆර්ඩ් ඇස්ට්‍රාසෙනිකා එන්නත රැගත් ඉන්දීය ගුවන් යානය හෙට (28) දින පෙ.ව. 11 කටුනායක බණ්ඩාරනායක ජාත්‍යන්තර ගුවන් තොටුපොළ වෙත පැමිණෙන බව ජනාධිපති උපදේශක ලලිත් වීරතුංග මහතා පවසයි.
ඉන්දීය ශ්‍රී ලංකා සබඳතා සනිටුවහන් කිරීමට මෙම එන්නත් 500000 ක ප්‍රධානය ඉන්දීය රජය වෙතින් ලැබුණු බවත් එම එන්නත් මෙරට ඉන්දීය මහකොමසාරිස්වරයා විසින් ජනාධිපති ගෝඨාභය රාජපක්ෂ වෙත ලබා දීමට නියමිතව බවද ඒ මහතා පැවසීය.
ඔක්ස්ෆර්ඩ් ඇස්ට්‍රාසෙනිකා එන්නත මෙරට හදිසි භාවිතය සදහා ඖෂද නියාමන අධිකාරිය විසින් මීට ඉහතදී අනුමැතිය ලබා දී ඇත.