Colombo Today Local News

පුරාවිද්‍ය සංරක්ෂණයට ඒකාබද්ධ වැඩපිළිවෙලක්.. පුරාවිද්‍යා බලධාරීන්ට ජනපති දින දෙයි ! (Video)

පුරාවිද්‍යා හා ඓතිහාසික වටිනාකමකින් යුත් ස්ථාන සංරක්ෂණය කිරීම සම්බන්ධයෙන් විශේෂ සාකච්ඡාවක් ඊයේ පෙරවරුවේ ජනාධිපති නිල නිවසේදී පැවැත්විණි.

ජනාධිපතිවරයා සමග පැවති එම සාකච්ඡාවට පුරාවිද්‍ය චක්‍රවර්ති පූජ්‍ය එල්ලාවල මේධානන්ද හිමි, පූජ්‍ය ගලගොඩඅත්තේ ඥාණසාර හිමි, බුද්ධ ශාසන ඇමති විජයදාස රාජපක්ෂ මහතා, පුරාවිද්‍යා කොමසාරිස් සෙනරත් දිසානායක මහතා හා අමාත්‍යාංශ නිලධාරීන් සහභාගී වි සිටියහ.

උතුරු නැගෙනහිර පළාත්ව ඓතිහාසික පුරාවිද්‍යාස්ථානවලට සිදුවෙමින් පවතින විනාශය සම්බන්දයෙන් එහිදී දීර්ඝ වශයෙන් කරුණු සාකච්ඡා වූ අතර බුද්ධ ශාසන අමාත්‍යවරයා විසින් පුරාවිද්‍ය දෙපාර්තමේන්තුවේ ක්‍රියාකාලාපය දැඩිලෙස විවේචනය කළේය.

පුරාවිද්‍යා ස්ථාන ආරක්ෂා කරගැනීම සදහා ඒකාබද්ධ වැඩපිළිවෙලක අවශ්‍යතාව අවධාරණය කළ ජනාධිපතිවරයා ලබන 28 දිනට පෙර ඒ සම්බන්ධයෙන් ප්‍රගති වාර්තාවක් ඉදිරිපත් කරන ලෙස පුරාවිද්‍යා බලධාරීන්ට නියෝග කළේය.

මේ අතර අද (23) පෙරවරුවේ සිවිල් ආරක්ෂක දෙපාර්තමේන්තුවේදී පැවති උත්සවයකට සහභාගී වෙමින් ජනාධිපතිවරයා සදහන් කළේ ලබන ජනවාරි මස සිට පුරාවිද්‍යාස්ථාන සංරක්ෂණය කිරීම සදහා සිවිල් ආරක්ෂක දෙපාර්තමේන්තු නිලධාරීන් යොදවන බවයි.

Related posts

අනවසර ගොඩ කිරීම් නවතන්න ගිය රන්ජන්ට ජෝන්ගේ ආධාරකරුවන්ගෙන් ජල ප්‍රහාරයක්

colombotoday

ප්‍රගීත් එක්නැලිගොඩ පැහැරගැනීමේ සිද්ධියට ජනාධිපතිවරයා සිරගත කිරීමේ සැලසුමක්! – ජනාධිපති කොමිසම හමුවේ හෙළිවේ

colombotoday

කල්පිටියෙන් ඇල්ලූ මිලියන 60 කහ තොගය

colombotoday

‍රටේ බංකොලොත් ලේබලය අපි ඉවත් කලා-මාලිමා මන්ත්‍රී කියයි

Admin

එඩ්වඩ් හා ඇල්ලේපොල මහ නිළමේ…

colombotoday

ප්‍රාදේශීය ලේකම් කාර්යාලවල තනතුරුවල සිටින භික්ෂූන්වහන්සේ ගුරු වෘත්තියට අනුයුක්ත කෙරේ !

colombotoday