කොළඹ වරායෙන් පිටත නැංගුරම්ලා ඇති එක්ස්ප්රස් පර්ල් බහලුම් නෞකාවේ බහළුමක පිපිරීමක් සිදුව තිබේ.
නාවික හමුදා ප්රකාශකවරයා පැවුසවේ, නෞකාවේ කාර්ය මණ්ඩල සාමාජිකයන් 25 දෙනා ආරක්ෂිතව ඉවත් කර ගත් බවයි.
පසුගිය 20 වනදා නෞකාවේ ගින්න හටගෙන තිබුණේ, කොළඹ වරායට වයඹ දෙසින් නාවික සැතපුම් 9.5 ක් දුර මුහුදේ නැංගුරම්ලා තිබියදී ය.
එදා සිට මේ දක්වා නෞකාවේ ගින්න පාලනය කිරීම සඳහා මෙයෙහුම් ක්රියාත්මක වෙමින් පවතින අතර ඊයේ (24)දින හෙළි වී තිබුණේ, නයිට්රික් ඇසිඩ් බහාලුම් සහිත නෞකාවේ බහාලුම් තට්ටුවක් යටින් ගින්න මතුවන බවටයි.
මේ අතර නෙදර්ලන්ත හා බෙල්ජියමේ විශේෂඥ කණ්ඩායම ඊයේ (24)දින නැවට ඇතුළු වී ඇති බව ද වරාය හා නාවික කටයුතු අමාත්යාංශය පැවසී ය.
ඉන්දියාවේ හසීරා වරායේ සිට පැමිණ ඇති සිංගප්පූරුවේ ලියාපදිංචි මෙම නෞකාවේ නයිට්රික් ඇසිඩ් ටොන් 25 ක් සමග වෙනත් රසායනික ද්රව්ය සහ රූපලාවන්ය ආලේපන ද්රව්ය සහිත බහාලුම් 1486 ක් ප්රවාහනය කරමින් තිබී ඇත.