රුමේනියාවේ රැකියා ලබා දෙන බව පවසා නීතිවිරෝධීව ශ්‍රී ලාංකිකයින්ගෙන් මුදල් අයකළ සැකකරුවන් දෙදෙනෙකු මාරවිල ප්‍රදේශයේදී අත්අඩංගුවට ගෙන තිබේ.
විදේශ සේවා නියුක්ති කාර්යංශයේ මාධ්‍ය ප්‍රකාශක නියෝජ්‍ය සාමාන්‍යාධිකාරී ගාමිණී සෙනරත් යාපා මහතා සදහන් කරන්නේ, ඔවුන් සතුව තිබී විදේශ ගමන් බලපත්‍ර 38 ක් සොයා ගත් බවය.
විදේශගත වීමට විවිධ පුද්ගලයින් ඉදිරිපත් කළ අයදුම්පත් රැසක්ද ඔවුන් සතුව තිබී සොයා ගෙන තිබේ.
සැකකරුවන් අද(18)දින මාරවිල මහේස්ත්‍රාත් අධිකරණයට ඉදිරිපත් කිරීමට නියමිත ය.