නිරිතදිග අයිස්ලන්තයේ Reykjanes අර්ධද්වීපයේ ගිනි කන්දක් පුපුරා ගොස් ඇති බව විදෙස් මාධ්‍ය වාර්තා කරයි.
Grindavik ධීවර නගරයෙන් පුද්ගලයින් 4,000ක් පමණ ඉවත් කර ඇති බව වැඩිදුරටත් වාර්තා වේ.
මෙම පිපිරීම එරට දේශීය වේලාවෙන් 22:17ට නගරයට උතුරින් ආරම්භ වූ බව අයිස්ලන්ත කාලගුණ කාර්යාලය පවසයි.
Reykjavik අගනුවර අවට කලාපය ඔක්තෝබර් අග සිට භූමිකම්පා ක්‍රියාකාරකම්වල වැඩි වීමක් අත්විඳිමින් සිටින බවද විදෙස් මාධ්‍ය වාර්තා කරයි.
එම ප්‍රදේශයෙන් ඉවත්ව සිටින ලෙස ජනතාවට පොලිසිය දැනුම් දී තිබේ.
ලාවා තත්පරයට ඝන මීටර් 100ත් 200ත් අතර ප්‍රමාණයකින් ගලා යන අතර ගිනිකන්දේ ඉරිතැලීමේ දිග කිලෝමීටර 3.5ක් පමණ වන බව කාලගුණ විද්‍යා දෙපාර්තමේන්තුව පවසයි.
අයිස්ලන්තය සති කිහිපයක් තිස්සේ විභව ගිනිකඳු පිපිරීමක් පිළිබඳව දැඩි අවධානයෙන් පසුවූ අතර, පසුගිය මාසයේ බලධාරීන් විසින් ජනතාවට Grindavik වෙතින් පූර්වාරක්ෂාව ලෙස ඉවත් වන ලෙස නියෝග කර තිබුණි.