බියෙන් සැකෙන් තොර සමාජයක් බිහි කිරීමට නම් පාතාලය,මත් කුඩු, ස්ත්‍රී දූෂණ, ළමා අපචාර, කප්පම් ගැනීම්, පැහැර ගැනීම් නතර කළ යුතු බව මහජන ආරක්ෂක ඇමැති රියාද් අද්මිරාල් (විශ්‍රාමික) ආචාර්ය සරත් වීරසේකර මහතා පැවසීය. එවැනි යහපත් සමාජයක් ඇති කිරීමේ වගකීම පොලිස් දෙපාර්තමේන්තුවට හා සිවිල් ආරක්ෂක දෙපාර්තමේන්තුවට පවරා තිබෙන බව ද ඇමැතිවරයා කීය.
ඇමැතිවරයා මේ බව කියා සිටියේ 2021 නව වසරේ අමාත්‍යංශ කාර්ය මණ්ඩලය හමුවේදීය.
මෙරට ජනතාවට බියෙන් හා සැකයෙන් තොරව ජීවත්විය හැකි සමාජයක් බිහි කිරීම උදෙසා කැපවන බවට අමාත්‍යංශයේ සියලු දෙනා අදිටන් කර ගත යුතු බවත් ප්‍රකාශ කළ ඇමැතිවරයා රටේ උපදින සෑම අයෙකුම ජාතිභේදයකින් තොරව දේශප්‍රේමි ලෙස රටට ආදරය කළ යුතු බවත් එහිදී පෙන්වා දුන්නේය.