රටේ වතුර නැති පාසල් දහසකට වඩා සහ වැසිකිලි නැති පාසල් 1800 කට වඩා තිබෙන බව සමගි ජන බලවේගයේ පත්කළ මන්ත්‍රී එරාන් වික්‍රමරත්න මහතා පවසයි.
අයවැය ජනතාව වෙනුවෙන් ඉදිරිපත් කළ එකක් නොවන බව කී වික්‍රමරත්න මහතා ලොකු හෝටල් වල පාටි දැමුවා කියා හෝ ඇමති පැටුවන් බිහි කළා කියලා ආර්ථිකය ගොඩනඟන්න නොහැකි බවද සඳහන් කළේය.
මෙි අයවැය ඉදිරිපත් කළේ ජනතාව වෙනුවෙන් ද? තමන්ගේ පැවැත්ම වෙනුවෙන් ද? යන ප්‍රශ්නය පැන නගින බව ද එරාන් වික්‍රමරත්න මහතා සඳහන් කළේය.
මුදල් ,ආර්ථිකය ස්ථායිකරණ සහ ජාතික ප්‍රතිපත්ති අමාත්‍යාංශයේ වැය ශීර්ෂ පිළිබඳ කාරක සභා අවස්ථා විවාදය ට සහභාගී වෙමින් වික්‍රමරත්න මහතා මේ බව සඳහන් කළේය.