සෞඛ්‍ය මාර්ගෝපදේශ උල්ලංඝණය කරමින් බස්නාහිර පළාත තුළ ධාවනය වූ මගී ප්‍රවාහන බස් රථ 481 කට පොලීසීය අවවාද කර තිබේ.
ඒ, බස්නාහිර පළාත කේන්ද්‍ර කරගනිමින් ක්‍රියාත්මක කළ විශේෂ මෙහෙයුමකදී ය.
එහිදී සෞඛ්‍ය මාර්ගෝපදේශ උල්ලංඝණය කරමින් පවත්වාගෙන ගිය වෙළෙඳසැල් 495 ක හිමිකරුවන්ට අවවාද කර තිබේ.
නිලධාරීන් 478 දෙනෙකුගේ සහභාගීත්වයෙන් ක්‍රියාත්මක කළ අදාළ මෙහෙයුමේදී මගී ප්‍රවාහන බස් රථ 916, වායු සමනය කළ බස් රථ 173 ක් සහ වෙළෙඳ සැල් 1220 ක් පරීක්ෂාවට ලක් කළ බව, පොලීසීය සඳහන් කරයි.