පසුගිය 5 වෙනිදා ඒකාබද්ද විපක්ෂය මගින් සංවිධානය කල විරෝධතාවය සඳහා වස මිශ්‍ර කිරිපැකට් ලබාදුන් සිද්දියේ සැකය මුදල් හා ජනමාධ්‍ය ඇමති මංගල සමරවීරගේ කාර්යමණ්ඩල ප්‍රධානි, ජාතික ලොතරැයි මණ්ඩලයේ සභාපති තුසිත හල්ලොලුව දෙසට එල්ල වී තිබෙනවා.
ඊයේ පැවති මාධ්‍ය හමුවකදී පාර්ලිමේන්තු මන්ත්‍රී උදය ගම්මන්පිල සහ සුජීව සේනසිංහ අදහස් පල කරමින් ND 3094 දරන ජාතික ලොතරැයි මණ්ඩලයට අයත් වෑන් රථයකින් මෙම කිරි පැකට් බෙදා ඇති බව අනාවරණය කර සිටියා. මෙම වෑන් රථය සිද්දිය වූ දිනයේදී ධාවනය කර ඇත්තේ ක්‍රියාකාරී අධ්‍යක්ෂකගේ උපදෙස් පරිදි බවත් එදින රියදුරන් දෙදෙනෙකු විසින් බාවිතා කර ඇති බවත් මන්ත්‍රීවරුන් සඳහන් කර සිටියා.