අද (06) උදෑසන 7.15ත් 7.30ත් අතර කාලයේදී කලවාන ප්‍රදේශයේ පාසල තුළ ලිස්සා වැටීමෙන් බරපතළ තුවාල ලැබූ සිසුවියක් රෝහල් ගත කිරීමෙන් පසු මියගොස් තිබේ.
මෙලෙස මියගොස් ඇත්තේ දකුණු කුකුලේගම පදිංචි 13 හැවිරිදි දැරියක්
දැරිය මීපාගම ජයන්ති මහා විද්‍යාලයේ 8 වසරේ ඉගෙනුම ලැබූ සිසුවියකි.
පන්තියේ නාමලේඛනය රැගෙන පන්ති කාමරය වෙත පැමිණෙමින් සිටියදී දැරිය මෙලෙස බිම ලිස්සලා වැටී ඇත.
එහිදී අසල තිබූ අඩි එකහමාරක පමණ කොන්ක්‍රීට් ගලක ඇයගේ නිකට ප්‍රදේශය තදින් වැදී තිබේ.
ඉන් බරපතළ තුවාල ලැබූ දැරියව රෝහල්ගත කිරීමෙන් පසු මියගොස් ඇත.