සිංහල ජාතිකයෙකු සමග විවාහ වූ අබ්දුල් හසන් ෆාතුමා හයිෆා නැමති මුස්ලිම් ජාතික කාන්තාවකට ෂරියා නීතිය යටතේ ගල් ගසා පාරේ ඇදගෙන ගිය බවට පසුගිය වසරේදී ආන්දෝලනයට පත්වූ අටළුගම මරාව මුස්ලිම් පල්ලිය පිහිටි ප්‍රදේශයේදී පල්ලිය වීඩියෝ කල බව පවසමින් මාධ්‍ය වේදියෙකුට පහර දී තිබෙනවා.
එම වීඩියෝ දර්ශන වාර්තා නොකරන ලෙස මාධ්‍යවේදියාට පිරිස තර්ජනය කර ඇති අතර නිරෝදායන නීතිය නොසලකමින් රාමදාන් සැමරීම සඳහා විශාල පිරිසක් අටළුගම ප්‍රදේශයේ රැස්ව සිටි බවට ද තොරතුරු වාර්තා වේ.
මෙම නොසන්සුන්තාවය සිදුවූ අවස්ථාවේදී අටලුගම මුස්ලිම් දේවස්ථාන සංගමයේ සභාපති නජීඩ් හජ්ජියාර් මොහොමඩ් නජීඩ් නැමැත්තා ද මෙම ස්ථානයට පැමිණ සිටි අතර ඔහු අබ්දුල් හසන් ෆාතුමා හයිෆා නැමති මුස්ලිම් ජාතික කාන්තාවට අඩත්තේට්ටම් කිරීම සම්බන්දයෙන් පානදුර අධිකරණයේ විභාගවන B 64499/19 දරණ නඩුවට අවශ්‍ය කරන පුද්ගලයෙක් වන අතර ඔහුව අත්අඩංගුවට ගැනීමට පොලිසිය මැලිකමක් දක්වයි.
මේ අතර අටළුගම ප්‍රදේශය තබ්ලිග් ජමාත් බලකොටුවක් වන අතර සිවිල් නීතිය පිළිනොපදින ප්‍රදේශයක් බව අවට ප්‍රදේශවල පිරිස් චෝදනා නගයි. අටළුගම ග්‍රාමය මැදින් යන ඕනෑම පුද්ගලයෙකුට එය මනාව පෙන්නුම් කරන කාරණයක් වන අතර Colombo Today ඒ පිළිබඳව අවස්ථා ගණනාවකදී හෙළිදරව් කිරීම් රාශියක් සිදු කර සිටියා.