ඇසුරුම් කර අලෙවි කරන ආහාර ද්‍රව්‍යයන් කිහිපයක් සදහා බලපැවැත්වෙන පරිදි උපරිම සිල්ලර මිලක් නියම කර තිබෙනවා.
පැකට් නොකර අලෙවි කිරීමේදී උපරිම සිල්ලර මිලක් නියම කෙරුණු ආහාර ද්‍රව්‍ය 5කට මෙම නව උපරිම සිල්ලර මිල අදාල වන බව මේ සදහා නිකුත් වූ ගැසට් නිවේදනයේ සදහන් වනවා.
ඒ අනුව පරිප්පු සඳහා පැකට් නොකර අලෙවි කිරීමේදී උපරිම සිල්ලර මිල කිලෝග්රෑම් එකකට රුපියල් 169ක් වන අතර පැකට් කර අලෙවි කිරීමේදී එහි උපරිම සිල්ලර මිල කිලෝග්රෑම් එකක් රුපියල් 174ක් වශයෙන් උපරිම සිල්ලර මිලක් නියම කර තිබෙනවා.
පැකට් නොකළ වියළි හාල්මැස්සන් සඳහා උපරිම සිල්ලර මිල කිලෝග්රෑම් එකකට රුපියල් 410ක්. පැකට් කර අලෙවි කිරීමේදී එහි උපරිම සිල්ලර මිල කිලෝග්රෑම් එකකට රුපියල් 415ක් වනවා.
පැකට් නොකළ කට්ටා කරවල අලෙවි කළ හැකි උපරිම සිල්ලර මිල කිලෝග්රෑම් එකකට රුපියල් 1100 යි. පැකට් කළ කට්ටා කරවල සඳහා උපරිම සිල්ලර මිල කිලෝග්රෑම් එකකට රුපියල් 1115ක් වනවා.