ශ්රී ලංකා රජය මගින් ජපානයට ලබා දුන් අමර හා විදුර යන අලි පැටවුන් දෙදෙනා පිලිබදව සොයා බැලීමට හිටපු ජනාධිපති මහින්ද රාජපක්ෂ මහතා ජපානයේ ජාතික සත්ව උද්යානය වන තමත් සත්ව උද්යානයේ අද (19) සංචාරයක නියැලිනි.
ජපානයේ හිටපු අගමැතිවරයාගේ හමුවේදී මෙම අලි පැටවුන් දෙදෙනා පිලිබදව හිටපු ජනපති මහින්ද රාජපක්ෂ මහතා විමසු විට හිටපු අගමැතිවරයා ඔවුන් බැලීමට පැමිණෙන ලෙස මහින්ද රාජපක්ෂ මහතාට පසුගියදා ආරාධනා කළහ.
මෙම අවස්ථාට සහභාගී හිටපු ජනාධිපතිවරයා රාජ්ය ගෞරව සහිතව පිළිගත් ජපන් රජය එතුමන් ජපන් රජය සමග පැවැත්වූ සබදතා පිලිබදවත් සිදු කල මෙහෙය පිලිබදවත් සිහිපත් කළහ. මෙම අවස්ථාවට ජපානයේ විදේශ කටයුතු අමාත්යංශ ප්රධානින් හා ජපන් – ශ්රී ලංකා තානාපති කාර්යාලයේ පිරිසක් එක්ව සිටියහ.
අද ජපානයේ පැවැත්වෙන බෞද්ධ උත්සව කිහිපයකටද මහින්ද රාජපක්ෂ මහතා සහභාගි වීමට නියමිත අතර මහින්ද රාජපක්ෂ මහතාගේ ජපන් සංචාරය 20 වැනිදායින් නිමවෙයි.
රාහුල් සමන්ත හෙට්ටිආරච්චි – හම්බන්තොට