රට රැක ගැනීම සහ රටේ ආර්ථිකය ගොඩනැගීම සඳහා මාතෘ භූමියට නායකත්වය ලබා දීමට සූදානම් බව විපක්ෂ නායක සජිත් ප්‍රේමදාස මහතා පවසයි.
විපක්ෂ නායකවරයා සඳහන් කළේ ජනාධිපති, අගමැති ප්‍රමුඛ ආණ්ඩුවේ ජනවරම අවසන් බව ත් ඔවුන් රට විනශ කර අවසන් බව ත් ය.
රටේ ආර්ථිකය ගොඩනැගීමේ වැඩපිළිවෙළට නායකත්වය ලබා දීම හැර වෙන විසඳුමක් නොමැති බව සජිත් ප්‍රේමදාස මහතා ප්‍රකාශ කර සිටියේ ය.
මේ පිළිබඳව වැඩිදුරට ත් අදහස් දක්වමින් විපක්ෂ නායකවරයා මෙසේ පැවසී ය.
“ජනාධිපතිවරයා අගමැතිවරයා පොහොට්ටු ආණ්ඩුවේ ජන වරම අවසන්. ඔවුන් එකතු වෙලා මේ ලස්සන මාතෘ භූමිය විනාශ කරලා හමාරයි. විපක්ෂයේ අපි සුදානම් රට ස්ථාවර කිරීමෙන්, රටේ ආර්ථිකය ගොඩනැගීමේ වැඩපිළිවෙලට නායකත්වය ලබා දීමට. මේක හැරෙන්නට වෙන විකල්ප විසඳුමක් නෑ. මෙයට විරුද්ධ වෙන පාර්ලිමේන්තුව තුළ සිටින කවුරු හරි කඩාකප්පල්කාරී ක්‍රියාවක් කරනවා නම් ඒක අපි දකින්නේ දේශ ද්‍රෝහී ක්‍රියාවක් හැටියට. අපි සුදානම් මාතෘ භූමිය රැක ගන්න. මාතෘ භූමියට නායකත්ව ලබා දෙන්න. රටේ ආර්ථිකය ගොඩ නගන්න. මව්බිමට ජයවේවා.ජනතාවට ජයවේවා. අරගලයට ජයවේවා!”