තමන් තම බිරිද සම්බන්ධයෙන් පැනඩෝරා පත්‍රිකාවල සඳහන් කරුණු කාරණා ගැන විමර්ශනයක් කරන්නැයි හිටපු ඇමතිනි නිරූපමා රාජපක්ෂ මහත්මියගේ සැමියා වන තිරුකුමාර් නඩේෂන් මහතා ඉල්ලා සිටියි.
ජනාධිපති ගෝඨාභය රාජපක්ෂ මහතා වෙත ලිපියක් යොමු කරමින් ඔහු මෙම ඉල්ලීම කර තිබේ.
ස්වාධීන විමර්ශන නිලධාරියෙකු හරහා මෙම විමර්ශනයක් සිදුකරන ලෙස ඉල්ලා සිටින නඩේෂන් මහතා ඒ සඳහා තම උපරිම සහාය ලබාදෙන බවද එම ලිපිය මගින් සඳහන් කරයි.
නඩේෂන් මහතා සදහන් කරන්නේ මෙම චෝදනා හේතුවෙන් තමන්ට සහ තම බිරිඳ දැඩි මානසික පීඩාවකට පත්ව ඇති බවයි.
ඉන් මිදීම සඳහා පරීක්ෂණ වලින් තමන් නිවැරැදි බව තහවුරු කිරීමට අවශ්‍ය බව ඔහු සදහන් කරයි.
තමන් සහ තම බිරිද සම්පූර්ණයෙන්ම නිර්දෝෂී බවත් කිසිදු වරදකට වරදකරු නොවන බවත් සහතික කර ප්‍රකාශ කර සිටින බවත් තිරුකුමාර් නඩේෂන් මහතා ජනපති වෙත යොමු කළ ලිපියේ වැඩිදුරටත් සදහන් වේ.
තිරුකුමාරන් නඩේෂන් මහතා ජනපති වෙත යොමු කළ ලිපියේ පිටපතක් අග්‍රාමාත්‍යවරයා වෙත ද යොමු කර ඇත.
