දෙහිවල ගල්කිස්ස මහ නගරසභා බල ප්‍රදේශයට අයත් ජුම්මා මුස්ලිම් පල්ලියේ හජ් දිනය නිමිත්තෙන් ඝාතනය කළ ගවයන්ගේ රුධිරය දෙහිවල ආනන්දබෝධි විහාරය සහ වැල්ලවත්ත ශ්‍රී සුධර්මාරාම විහාරස්ථාන අතරින් ගලා බසින ඇළට මුදාහැර ඇති බවත්, දින දෙකක් තිස්සේ මෙලෙස සත්ව රුධිය ජලයට මුසුවී තිබෙනු දක්නට ලැබුණු බවත් ප්‍රදේශවාසීන් පවසයි.
මීට පෙර කිසිදු අවුරුද්දක මේ අයුරින් හජ්ජි දින ඇළ දිගේ රුධිරය ගලායන අයුරු දැක නැති බවත්, මෙවර හිතාමතාම ගව රුධිරය ඇළට මුදාහැර ඇති බවත් පවසන ප්‍රදේශවාසීන්, නීතිය එළිපිටම උල්ලංඝණය කර ජන ජීවිතයට බාධා කරමින් මෙලෙස පරිසරය අපවිත්‍ර කරද්දී නාගරික හා සෞඛ්‍ය බලධාරීන් නෑසූකන්ව සිටියේ සංහිදියාවට බාධාවක් වන නිසාදැයි විමසති.
පැල්මඩුල්ල බජ්ජන්ගොඩ පල්ලියක ඝාතනය කළ ගවයන්ගේ රුධිරය අසල පිහිටි පිරිවෙනකට ගලා ඒමට සැලැස්වීම හේතුවෙන් පසුගිය හජ් දිනයේ ප්‍රදේශයේ නොසන්සුන්කාරී තත්වයක්ද හටගැනිණි.
