රී ලංකාව වැනි පුංචි රටකින් ඉන්දියාව වැනි බලවත් රටකට අමුඩ ලේන්සුවක් හෝ විකුණාගන්නට හැකිනම් එය අපට වාසි සහගත තත්ත්වයක් බව සුබසාධන හා සමාජ සවිබලගැන්වීමේ අමාත්‍ය එස්.බී දිසානායක මහතා පවසයි.
අමාත්‍යවරයා මේ බව ප්‍රකාශ කළේ අද (07) කොළඹ පැවති මාධ්‍ය හමුවකදීය.
එහිදී අදහස් දැක්වූ අමාත්‍යවරයා කියාසිටියේ ඉන්දියාව සමඟ අත්සන් තබන එට්කා ගිවිසුම ශ්‍රී ලංකාවට වඩාත් වාසිදායක ලෙස සකස් කරගැනීම රජයේ අපේක්ෂාව බවයි.
එබැවින් එය පාර්ලිමේන්තුවට ඉදිරිපත් කොට, ඒ ගැන වාද විවාද පවත්වා, ජනතාවගෙන්ද අදහස් විමසා වෙනස්කම් ඇතොත් වෙනස්කම් සිදුකොට ක්‍රියාත්මක කරන බව ඔහු පැවසීය.
ඉන්දියාව වැනි විශාල රටකට ලංකාව වැනි කුඩා රටක රැකියා අවස්ථා ආදිය ලබාගැනීම පිළිබඳ අනියත බියක් ඇතිකරගත යුතු නැති බවත් ලංකාව වැනි කුඩා රටකින් ඉන්දියාවට ලබාගත හැකි වාසිය ඉතා අල්ප බවත් අමාත්‍යවරයා මෙහිදී පෙන්වා දුන්නේය.
එහෙත් ඉන්දියාව යනු කලාපයේ බලවතා බැවින් කලාපයේ ආරක්ෂාව සම්බන්ධයෙන් අවධානය යොමුකිරීම සත්‍යයක් බවත් ඒ නිසාම අප විසින් චීනය, පාකිස්ථානය, අමෙරිකාව දෙසට නැඹුරුවන විට ඔවුන් කලබලයට පත්වන බවත් අමාත්‍යවරයා අවධාරණය කළේය.