පුත්තලම සහ කුරුණෑගල දිස්ත්රික්කවලට ඇඳහැළුණු අධික වර්ෂාපතනයත් සමග ජලාශ කිහිපයක වාන්දොර විවෘත කළ බව වාරිමාර්ග දෙපාර්තමේන්තුව පවසයි.
වාරිමාර්ග අධ්යක්ෂ ඉංජිනේරු ඩී. අබේසිරිවර්ධන මහතා පැවසුවේ, තබ්බෝව ජලාශයේ වාන් දොරටු 6 ක් අඩි 2 බැගින් විවෘත කර ඇති බවත් මේ වනවිට ඉන් තත්පරයට ඝණ අඩි 3240ක් ජල ධාරිතාවක් මුදා හරින බවත් ය.
මේ අතර දැදුරුඔය ජලාශයේ වාන් දොරටු දෙකක් ද අඩි 2 බැගින් විවෘත කර ඇති අතර ඉන් ද තත්පරයට ඝණ අඩි 2800ක ජල ජලධාරිතාවක් මුදාහරිමින් ඇත.
තව ද ඉගිණිමිටිය ජලාශයත් මේ වනවිට උපරිම ධාරිතා මට්ටමට පැමිණ ඇති බැවින් වාන්දොරටු කිහිපයක් විවෘත කිරිමේ සූදානමක් පවතින බව වාරිමාර්ග අධ්යක්ෂවරයා පැවසී ය.
මේ අනුව තවදුරටත් එම ජලාශ ආශ්රිත ප්රදේශවලට වැසි ලැබුණ හොත් ඉදිරියටත් දැඩි අවධානයකින් පසු වන ලෙස ජලාශ ආශ්රිත ජනතාවට වාරිමාර්ග දෙපාර්තමේන්තුව දැනුම් දී සිටී.