හිරියාල ශ්රී ලංකා නිදහස් පක්ෂ ආසන සංවිධායක ධුරයෙන් ඉවත් කෙරුණු එක්සත් ජනතා නිදහස් සන්ධාන පාර්ලිමේන්තු මන්ත්රී සාලින්ද දිසානායක මහතාට යළිත් හිරියාල ආසන සංවිධායක වරයා ලෙස පත් කර ගැනීමට හිටපු ජනාධිපති මහින්ද රාජපක්ෂ මහතාගේ ප්රධානත්වයෙන් රැස්වූ හිරියාල ශ්රී ලංකා නිදහස් පක්ෂ ආසන බල මණ්ඩලය විසින් යෝජනාවක් සම්මත කර තිබේ.
ඊයේ ඉබ්බාගමුවේ පැවති මෙම හිරියාල ආසන බල මණ්ඩල රැස්වීමට ඒකාබද්ධ විපක්ෂය නියෝජනය කරමින් ජොන්ස්ටන් ප්රනාන්දු, ප්රසන්න රණතුංග, සාලින්ද දිසානායක ද ඇතුළු මහජන නියෝජිතයෝ රැසක් ද එක්ව සිටියහ.
පසුගිය අප්රේල් 28 වනදා ශ්රී ලංකා නිදහස් පක්ෂ හිරියාල ආසන සංවිධායක ධුරයෙන් සාලින්ද දිසානායක මහතා ඉවත් කර නව සංවිධායක ලෙස දොන් කමල් ඉන්දිකව ජනාධිපති මෛත්රීපාල සිරිසේන මහතා විසින් පත් කරනු ලැබුවේය.