හිටපු ජනාධිපති මහින්ද රාජපක්ෂ මහතාගේ හමුදා ආරක්ෂාව ඉවත් කිරීමට එරෙහිව ලබන 15වැනිදා පැවැත්වීමට නියමිතව තිබූ භික්ෂු සත්‍යග්‍රහය තාවකාලිකව අත්හිටුවීමට තීරණය කර ඇති බව පූජ්‍ය මුරුත්තෙට්ටුවේ ආනන්ද හිමියන් ප්‍රකාශ කරයි.
උන්වහන්සේ මේ බව කියාසිටියේ ඊයේ (09) පෙරවරුවේ නාරාහේන්පිට අභයාරාමයේ පැවැති මාධ්‍ය හමුවකට සහභාගී වෙමිනි.
‘පැවිදි හඬ’ සංවිධානය විසින් ගාල්ල ධර්මපාල උද්‍යානයේ දී මෙම භික්ෂු සත්‍යග්‍රහය පැවැත්වීමට මීට පෙර තීරණය කර තිබුණි.
ජනාධිපති මෛත්‍රීපාල සිරිසේන මහතා විසින් හිටපු ජනාධිපතිවරයොගේ හමුදා ආරක්ෂාව ඉවත් කිරීම සම්බන්ධයෙන් පැවිදි හඬ සංවිධානයට සාකච්ඡාවක් ලබාදී ඇති බැවින් එම සත්‍යග්‍රහය තාවකාලිකව අත්හිටුවීමට තීරණය කළ බව පූජ්‍ය මුරුත්තෙට්ටුවේ ආනන්ද හිමියන් වැඩිදුරටත් අදහස් දක්වමින් කියාසිටියේ ය.