ශ්රී ලංකාවේ සාමය සහ සංහිඳියා ක්රියාවලිය සම්බන්ධයෙන් දක්වා ඇති දායකත්වය වෙනුවෙන් ශ්රී ලංකා ජනාධිපති මෛත්රීපාල සිරිසේන මහතා 2017 නොබෙල් සාම ත්යාගය ලැබීමේ ලැයිස්තුවට ඇතුලත් කර ඇති බව ඔස්ලෝ හි ‘සාමය පිළිබඳ පර්යේෂණ ආයතනය නිකුත් කළ වාර්තාවක දැක්වේ.
මෙම ආයතනය රාජ්යයන්, කණ්ඩායම් සහ ජනතාව අතර සාමකාමී සබඳතා සඳහා කොන්දේසි පිළිබඳව පර්යේෂණ සිදු කරයි.
මෙම වසරේ නොබෙල් සාම ත්යාගය පිළිබඳ මෙවර නිල නිවේදකයා වන PRIO අධ්යක්ෂ හෙන්රික් උර්ඩාල් විසින් යාවත්කාලීන කෙටි ලැයිස්තුවක් ප්රකාශයට පත් කර ඇත.
හර්ප්වික්සන්ගේ 2017 නොබෙල් සාම ත්යාග කෙටි ලැයිස්තුව මෙසේය.
01. ඇමරිකානු සිවිල් ස්වාධීන සංගමය (ACLU) සහ සූසන් එන්. හර්මන්
02. බටහිර අප්රිකානු රාජ්යයන්ගේ ආර්ථික ප්රජාව (ECOWAS)
03. ශ්රී ලංකා ජනාධිපති මෛත්රීපාල සිරිසේන මහතා
04. සුදු හෙල්මට්ස් (සිරියානු සිවිල් ආරක්ෂක) සහ රයිද් අල් සෙල්හ්
05. ජීන් නැකට් බැනියර්, සැන්ටේට් කහින්ඩෝ බින්දු සහ වෛද්ය ඩෙනිස් මුක්වේගේ
ශ්රී ලංකා ජනාධිපති මෛත්රීපාල සිරිසේන මහතාගේ නම මෙම ලැයිස්තුවේ තෙවන තැනට ඇති අතර ඔක්තෝම්බර් මස 06 වනදා නොබෙල් සාම ත්යාග ලාභීන් ප්රකාශයට පත්කිරීමට නියමිතය.
