සෞඛ්‍ය ඇමති රාජිත සේනාරත්න මහතා වෛද්‍ය ප්රතිකාර සදහා සිංගප්පූරුව බලා පිටත්ව ගොස් තිබේ.
ඇමතිවරයාට සමීප ආරංචි මාර්ග සදහන් කරන්නේ පුත් චතුර සේනාරත්න ඇතුළු පිරිසක් සමග එහි ගිය ඇමතිවරයා මවුන්ට් එලිසබෙත් රෝහලට ඇතුළත් කර ඇති බවයි.
ඇමතිවරයා දැනට වසරකට පෙර මවුන්ට් එලිසබෙත් රෝහලේදී බයිපාස් හෘද සැත්කමකට ද භාජනය කෙරිණි. මවුන්ට් එලිසබෙත් රෝහල ලෝකයේ මිල අධිකම රෝහල් අතරින් එකක් වෙයි. මෙරට සෞඛ්‍ය ඇමතිවරයා මෙරට රෝහල් පද්ධතියෙන් ප්රතිකාර නොගෙන විදෙස් ගතවීම ගැන විවිධ පාර්ශව වලින් පසුගිය කාලය පුරා දිගින් දිගටම විවේචන එල්ල කරනු ලැබීය.
පෙරේදා (01) දා එජාප මැයි රැලිය අමතමින් රාජිත සේනාරත්න ඇමතිවරයා දැඩි ආවේගශීලී, උද්වේගකර කතාවක් ද පවත්වනු ලැබීය.