කොරෝනා වසංගත තත්ත්වය හේතුවෙන් පිඩාවට පත්වන මහජනතාව සඳහා රුපියල් 5000 දීමනාව ලබාදීමට අදාළ ලේඛන සකස් කිරීමේ කටයුතු අද (31)දින සිට ඇරඹීමට නියමිත බව රාජ්‍ය අමාත්‍ය දිලුම් අමුණුගම මහතා සඳහන් කර තිබේ.
ඒ අනුව මෙම සතිය තුළ අදාළ දීමනාව ලබාදීමට කඩිනමින් කටයුතු කරන බවත් අවශ්‍ය උපදෙස් මේ වන විට ප්‍රාදේශීය ලේකම් කාර්යාල වෙත නිකුත්කර ඇති බවත් සඳහන් කරයි.
රාජ්‍ය අමාත්‍යවරයා,
“රුපියල් 10,000 බඩු මල්ල ලබාදීම සිද්ධවෙන්නේ, නිරෝධායනය කරන ලද පවුල්වලට. ඒ අය අඩු ආදායම් වුනත් නොවුනත්. ඒ බඩු මල්ල රජය විසින් ලබාදෙනවා. එයට හේතුව තමයි නිරෝධායනය කරාට පස්සේ රු 5000 ගන්න යන්නත් බෑ. රු 5000න් බඩු ගන්න යන්නත් බෑ. ජංගම රථවලින් බඩු ගන්නත් තහනම්. ගෙදරින් එළියට එන්න බෑ හරි විදියට නිරෝධායනය වෙනවා නම්. ඒ නිසා තමයි අත්‍යවශ්‍ය භාණ්ඩ ඇති බඩුමල්ලක් ගෙදරට ගිහින් දෙන්නේ.“