නේපාලයේ කත්මණ්ඩු ගුවන් තොටුපළේ දී ශ්‍රී ලංකන් ගුවන්යානා සඳහා ඉන්ධන සැපයීමේ වත්මන් කොන්ත්‍රාත්තුව වසර 2ක කාලයකට Associated Energy Group සමාගම වෙත ලබාදීමට අමාත්‍ය මණ්ඩල අනුමැතිය හිමිව තිබේ.
අදාළ වත්මන් කොන්ත්‍රාත්තුව ලබන අගෝස්තු 31 වනදායින් අවසන් වීමට නියමිත අතර නව ගුවන්යානා ඉන්ධන සැපයුම්කරුවන් තෝරාගැනීම සඳහා සීමිත ජාත්‍යන්තර ප්‍රසම්පාදන ක්‍රමවේදය යටතේ ලංසු කැඳවනු ලැබීය.
ඒ සඳහා එක් ලංසුවක් ඉදිරිපත් වූ අතර අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශය මත පදනම්ව අදාළ කොන්ත්‍රාත්තුව එම ලංසුව යොමු කළ සමාගම වෙත ලබාදීමට වරාය, නාවික හා ගුවන් සේවා අමාත්‍යවරයා විසින් ඉදිරිපත් කළ යෝජනාවට මෙලෙස අමාත්‍ය මණ්ඩල අනුමැතිය හිමිව ඇත.