විශේෂ අවශ්‍යතා ඇති දැරියක් තැබූ අපූරු වාර්තාවක් පිළිබඳව විදෙස් මාධ්‍ය වාර්තා කරයි.
මෙම වාර්තාව තබා ඇත්තේ ඉන්දියාවේ මුම්බායිහි වාසය කරන ජියා රායි නමැති වයස අවුරුදු 13 ක දැරියකි.
ජියා රායි නමැති අපේ කතා නායිකාව කිසිවෙකුටත් ඇදහිය නොහැකි ලෙස තැබූ වාර්තාව වන්නේ තලෙයිමන්නාරම සිට දකුණු ඉන්දියාවේ දනුෂ්කොඩි
දක්වා පොක් සමුද්‍රය සන්ධිය හරහා පිහිනා යාමය.
දනුෂ්කොඩි,අරිච්චල් වෙරළ දක්වා පිහිනා යාමට ඇයට ගතවී ඇත්තේ පැය 13යි විනාඩි 10ක කාලයකි.
දැරිය 20 වැනිදා අලුයම 4.22 ට සිය පිහිනීම ආරම්භ කොට ඇති අතර, ඊයේ(20) සවස 5.32 ට දනුෂ්කොඩි,අරිච්චල් වෙරළට ළගා වි තිබිණි.
තලෙයිමන්නාරම සිට දනුෂ්කොඩි අරිච්චල් දක්වා කිලෝමීටර 29 ක දුරකින් යුතුය.
මෙම දැරිය මීට පෙර මුම්බායි වෙරළ තීරයේ කිලෝමීටර 36 ක දුරක්ද පිහිනා ගොස් වාර්තාවක් තබා ඇති බවද ඉන්දීය මාධ්‍ය වාර්තා කර තිබේ.
දැරිය දනුෂ්කොඩි දක්වා පිහිනීමෙන් අනතුරුව තමිල්නාඩු පොලිස් ප්‍රධානියා විසින් දැරිය පිළිගෙන තිබිණි.
දැරිය මීට පෙර ඉන්දීය අගමැතිවරයාගේ පවා පැසසුමට ලක්ව ඇති බවටද ඉන්දීය මාධ්‍ය වාර්තා කර ඇත.
දැරියගේ පියා ඉන්දීය නාවික හමුදාවේ සාමාජිකයෙකු වන මදන් රායි නමැත්තෙකු වන අතර, මව රෙජිනා රායි වේ.