Colombo Today Local News

පරිසර විනාශය ගැන සමාජ මාධ්‍ය අසත්‍ය තොරතුරු ඉදිරිපත් කිරීම ඉහළ ගිහින්. විනාශය ගැන බොරු කිව්වොත් අත්අඩංගුවට ගන්නවා – පරිසර ඇමැති කියයි.

වන විනාශය පිළිබඳ ව්‍යාජ සහ ද්වේශ සහගත තොරතුරු ඉදිරිපත් කරන අයවලුන් ඉදිරියේදී අත්අඩංගුවට ගැනීමට කටයුතු කරන බව පරිසර ඇමැති මහින්ද අමරවීර පවසයි.

රට තුළ යම් පරිසර හානියක් සිදුවී තිබෙන බව පිළිගන්නා බවත්, පරිසරය විනාශ කරන පිරිසට එරෙහිව නීතිමය කටයුතු සිදුකෙරෙන බවද ඔහු කීවේය.

පරිසර අමාත්‍යාංශයේදී ඊයේ (24)දින පැවැති මාධ්‍ය හමුවකදී ඇමැතිවරයා මේ බව සදහන් කළේය.

පරිසර විනාශය පිළිබඳව සමාජ මාධ්‍ය ඔස්සේ විවිධ අසත්‍ය තොරතුරු ඉදිරිපත් කිරීම ඉහළ ගොස් ඇතැයිද ඇමැතිවරයා පැවසුවේය.

පරිසර විනාශයන් පිළිබඳව සොයා බැලීම සඳහා සියලුම අමාත්‍යාංශ ඒකාබද්ධ කරගෙන යාන්ත්‍රණයක් සකස් කිරීමට සැලසුම් කර ඇති බවත්, වන විනාශයන් පිළිබඳව ජනතාවට තොරතුරු ලබාදීමට හැකි මධ්‍යස්ථානයක් පිහිටුවීමට කටයුතු කරන බවද හෙතෙම පැවසුවේය.

සෑම ගමකම ක්ෂේත්‍ර නිලධාරීන් හත් අට දෙනෙකු රජය යොදවා සිටියත්, පරිසර විනාශයන් පිළිබඳව තොරතුරු දැනගැනීමට සිදුවී ඇත්තේ මාධ්‍ය හරහා බවද ඔහු පැවසුවේය.

පරිසරයට හානි කරන ලද පුද්ගලයින් 300 කට පමණ නඩු පවරා ඇතැයිද ඇමැතිවරයා සඳහන් කරයි.

පරිසරයට හානි කිරීමට අදාළව නඩු පවරන ලද පිරිස අතර ආනවිලුන්දාව, දහයියාගල යන ප්‍රදේශවල පරිසරයට හානි කරන ලද පිරිසද සිටින බව ඇමැතිවරයා පවසයි. මේ පිරිස අතර ප්‍රාදේශීය දේශපාලනඥයින්, ධනවතුන් සේම බලවතුන්ද සිටින බව ඔහු කීවේය. පරිසරය ගැන මේ දිනවල ආදරයෙන් කතා කරන විපක්ෂ නායකවරයා පසුගිය කාලයෙදී වන සංරක්ෂණ දෙපාර්තමේන්තුවට අයත් ඉඩම් එළිපෙහෙලි කර නිවාස තැනීමට පවා අවසරය ලබාදී තිබූ බව ඇමැතිවරයා කීවේය.

Related posts

එක්ස්ප්‍රස් පර්ල් නෞකාවේ බහළුමක් පුපුරයි

colombotoday

ජනාධිපති කාර්යාලය අසල උණුසුම් තත්ත්වයක්…

colombotoday

අතුරුදන්වූවන්ගේ කාර්යාලයට පත්කර ඇත්තේ කොටි හිතවාදී NGO පරපුටුවන් – විජේදාස MPO කාර්යාලය පතුරු අරී

colombotoday

ඇමති කිරිඇල්ලට උපදේශකයන් 58යි.. චෝදනාව පාර්ලිමේන්තුවේදී පිලිගනී !!

colombotoday

කොලඹ සුපිරි නිවාස සංකීර්ණයකින් කොරෝනා.. වසා දමයි

colombotoday

ලාල්කාන්ත ඇප ලබා පැමිණි පසු විනය ක්‍රියාමාර්ග ගන්නවා…

colombotoday