ශල්‍යකර්මවලදී භාවිතා කිරීමට වැලි කැටයක ප්‍රමාණයේ කැමරාවක් සොයාගෙන ඇති බව විදෙස් මාධ්‍ය වාර්තා කරයි.
කලක් විශාල වූ සහ භාවිතයට අපහසු වූ උපාංග දැන් ඇඟිලි තුඩෙන් ගෙන යා හැකි මට්ටමට තාක්ෂණය දියුණු වී ඇත.
තාක්ෂණයේ මෙම විප්ලවය මිනිස් ජීවිත කෙරෙහි, විශේෂයෙන් වෛද්‍ය ක්ෂේත්‍රයේ ප්‍රබල බලපෑමක්ද ඇති කර තිබේ.
මෑතකදී අන්තර්ජාලයේ ප්‍රචලිත වූ පින්තූරයක 0.575 x 0.575 ප්‍රමාණයේ කුඩා කැමරාවක් පෙන්නුම් කර ඇති අතර එය වැලි ඇටයක ප්‍රමාණයට සමාන වේ.
ප්‍රවෘත්ති නිවේදනයකට අනුව, මෙම උපාංගය ‘OV6948’ ලෙස හඳුන්වනු ලබයි.
එය අමෙරිකාවේ OmniVision Technologies සමාගම විසින් විසින් නිපදවා තිබේ.
මෙම කැමරාව 0.575mm x 0.575mm ප්‍රමාණයෙන් යුත් “වාණිජමය වශයෙන් ලබා ගත හැකි කුඩාම රූප සංවේදකය” සඳහා ගිනස් ලෝක වාර්තාව හිමි කර ගැනීමටද සමත් වී තිබේ.
OmniVision විසින් මෙම නව්‍ය වෛද්‍ය නිරූපණ නිපදවා ඇත්තේ ගැඹුරු ව්‍යුහයන් නිරීක්ෂණයට විද්‍යාත්මක ප්‍රවේශය සඳහා වන වෙළඳපල ඉල්ලුමට විසඳුම් සෙවීම සඳහා බවයි සඳහන් වන්නේ.