දේශපාලන වාසි නොබලා අනාගත මැතිවරණ දැක්මක් වෙනුවෙන් මෙරට ඡන්ද ක්‍රමය ඩිජිටල්කරණය කළ යුතු බව ශ්‍රී ලංකා ඩිජිටල් පුරවැසි සංගමය පවසනවා.
ප්‍රජාතන්ත්‍රවාදයට මෙන්ම ජනතා පරමාධිපත්‍යයට ගරු කරන්නේ නම් එය සිදු කිරීමට පියවර ගත යුතු බව එම සංගමයේ කැදවුම්කරු අමන්ද රණසිංහ මහතා පවසයි.
ඒ හරහා මැතිවරණ සඳහා දැරිය යුතු අධික වියදම සහ කාර්ය මණ්ඩලය අවම වන අතර එය අනාගත ආයෝජනයක් මිස වියදමක් නොවන බව ඔහු පෙන්වාදෙයි.
විද්‍යුත් තැපැල් ඡන්ද ක්‍රමයක්, මොබයිල් ඡන්ද ක්‍රමයක් හෝ වෙබ් අඩවි පදනම් කරගන් ඡන්ද ක්‍රමයක් නිර්මාණය කර මැතිවරණ පිළිබද අනාගත දැක්මක් නිර්මාණය කර ගැනීමට හැකියාව ලැබෙන බවයි ශ්‍රී ලංකා ඩිජිටල් පුරවැසි සංගමයේ කැදවුම්කරු අමන්ද රණසිංහ මහතා සඳහන් කළේ.