ග්‍රෑන්ඩ්පාස් වික්ටෝරියා පාලම මතින් කැලණි ගඟට වැටුණු බව කියන පොලිස් සැරයන්වරයාගේ මළ සිරුර දෙහිවල ඕබන් පෙදෙසේ වෙරළ තීරයට ගොඩ ගසා තිබියදී දින 7කට පසු හමු වූ බව දෙහිවල පොලිසිය පවසයි.
මෙලෙස මියගොස් තිබුණේ බොරලැස්ගොමුව දිවුල් පිටිය ප්‍රදේශයේ පදිංචිව සිටි පොලිස් කේෂ්ත්‍ර බලකා මූලස්ථානය ට අනුයුක්තව රාජකාරි කෙරු පොලිස් සැරයන් 50106 හෙට්ටිආරච්චිලාගේ ජයලත් පෙරේරා නැමැති නිලධාරියාය.
පොලිස් සැරයන්වරයා ගඟට වැටුණු බව කියන ස්ථානයේ තිබි කුඩා ජංගම දුරකථනයක් පොලිස් රෝහලෙන් ප්‍රතිකාර ගන්නා ලද රිසිට්පතක් හා බස් ගමන් බලපත්‍රයක් ගෑන්ඩ්පාස් පොලිසිය එදින සිය භාරයට ගෙන තිබිණි.
ගඟට වැටී අතුරුදන් වූ සැරයන්වරයා ඉකුත් 29 වැනි දින නිවසින් පිටත්ව ගොස් තිබිණි.